February 6, 2022
 

ᐊᐃᖓᐃ,

ᑕᕝᕙᓂ ᐊᕐᕌᒍᒥ, ᓇᓗᓇᐃᖅᓯᕗᒍᑦ ᑯᐃᑉ ᖃᓄᐃᓐᓂᕆᓛᖅᑕᖓᓐᓂ.

ᐱᕈᔅᓴᓪᓗᖓ ᑯᐃᑉ ᑕᕐᕋᖓᓐᓂ, ᐊᓇᓇᑦᑎᐊᕐᒪ ᐊᔾᔨᓐᖑᐊᕐᒥᑦ ᑕᑯᑎᓚᐅᖅᓯᒪᒻᒫᖓ ᑯᐃᓐᖑᐊᒥᑦ. ᑯᐃ ᐱᐅᒋᔭᖃᑦᑎᐊᕐᖓᑦ ᐅᑭᐅᖅᑕᖅᑐᒥ, ᑕᐃᒪᓐᖓᓂ ᒐᕙᒪᑐᖃᒃᑯᓐᓂ ᐱᓕᕆᖃᑎᖃᐃᓐᓇᖅᑐᖅ.

ᐅᑭᐅᓄᑦ 70-ᓄᑦ, ᑯᐃ ᖃᐅᔨᒃᑲᐃᖃᑦᑕᕐᖓᑦ ᓂᓪᓕᐊᖃᑦᑕᖅᑐᓂᓗ ᑕᑯᔅᓴᐅᑎᑦᑎᕙᑦᑐᓂᓗ ᓇᓪᓕᓐᓂᕐᒥᓂᑦ. ᓄᓇᓕᕐᔪᐊᑎᓐᓅᖃᑦᑕᖅᓯᒪᓪᓗᓂᓗ ᑲᓇᑕᒧ, ᓲᕐᓗ ᑕᐃᕙᑦᑕᖓ “ᐊᐃᑉᐸᖓᒎᖅ ᐊᖏᕐᕋᖓ."

ᐅᑭᐅᓂᑦ 70-ᓂᑦ ᐊᓯᔾᔨᖅᓯᒪᓪᓚᕆᓕᕐᖓᑦ. ᐱᖃᓐᓇᕆᓂᑦᑎᓐᓂ ᖃᐅᔨᒪᑏᓐᓇᖅᑕᕗᑦ ᓇᒥᑐᐃᓐᓇᑦᑎᐊᕐᓗ ᓯᓚᕐᔪᐊᒥ. ᐋᓐᓂᐊᖅᑐᓕᕆᔨᒃᑯᓐᓂ ᖃᐅᔨᓴᖃᑦᑕᖅᓯᒪᒐᑦᑕ. ᐱᓗᐊᖅᑐᒥᑦ ᑲᐴᑎᔅᓴᐅᓂᐊᖅᑐᓂᒃ. ᓱᓕᔪᓂᓪᓗ ᒪᒥᓴᕋᓱᐊᕐᓂᕐᒧᑦ ᑲᑎᒪᔨᓕᐅᓚᐅᖅᑐᑕ ᐊᒻᒪᓗ ᐱᓕᕆᖃᑕᐅᓪᓗᑕ. ᑕᑯᓯᒪᓪᓗᑕᓗ ᑲᓇᑕᒥ ᓇᓗᓇᐃᖅᑕᐅᔪᒥᑦ ᐊᖏᔪᖅᑳᕐᔪᐊᒥᑦ (Governor General) ᓯᕗᓪᓕᖅᐹᒥᑦ ᐊᕐᓇᐅᓪᓗᓂ ᓄᓇᖃᖅᑳᖅᑐᒥᓂᐅᓪᓗᓂᓗ. 

ᐅᐱᒋᑦᑎᐊᕆᐊᓕᕗᑦ ᐊᔾᔨᐅᓐᖏᑦᑐᓂᒃ ᐃᓅᖃᑎᑦᑎᓐᓂ ᐃᓚᓕᐅᔾᔨᓯᒪᒐᑦᑕ, ᐱᓕᕆᖃᑎᒌᑦᑐᑕᓗ ᑕᒪᓐᓇ ᑲᔪᓯᑦᑎᖅᓯᒪᓪᓗᑎᒍ.

ᑭᓯᐊᓂᓕ ᕿᒥᕐᕈᑲᓐᓂᕆᐊᖃᕋᑦᑕ ᓱᒋᐊᖃᕐᓂᑎᓐᓂ ᓯᕗᓂᑦᑎᓐᓂ, ᒪᑯᓂᖓᓗ ᒪᒥᓴᕐᓂᕐᒥᑦ, ᐃᓱᒪᓕᕆᓂᕐᒥᑦ ᓯᓚᓗ ᐊᓯᔾᔨᐸᓪᓕᐊᓂᖓᓐᓂ.

ᓄᓇᓕᓐᓂᓪᓗ ᓇᒥᓕᒫᕌᓗᒃ ᑭᓪᓕᖓᓐᓂ ᑭᓪᓕᖓᓐᓄᑦ ᓄᓇᓕᕐᔪᐊᑉ, ᓇᓗᓇᐃᖅᓯᖃᑦᑕᕐᖓᑕ ᖃᓄᐃᓗᕐᓂᕆᓂᐊᖅᑕᖏᓐᓂ ᑯᐃ ᐃᔪᖃᑦᑕᖅᓯᒪᓂᖓᓐᓂ ᖃᐅᔨᒪᒐᑦᑎᒍ.

ᓇᒥᑐᐃᓐᓇᑦᑎᐊᖅ ᓄᓇᓕᕐᔪᐊᒥ, ᑕᑯᓛᖅᑕᓯ ᑕᑯᔅᓴᐅᑎᑦᑎᓛᖅᑐᖅ ᑲᓇᑕᒥᐅᑕᐃᑦ ᐊᖏᔪᖅᑳᖓᓐᓄᑦ ᐱᒻᒪᕆᐅᔪᒥᑦ ᑕᐃᑲᓂ. ᐊᒥᓲᓛᕐᒥᔪᑦ ᑕᐃᒪᐃᑦᑐᑦ ᖃᖓᑐᐃᓐᓇᖅ ᐊᕐᕌᒍᑦᑎᓐᓂ.

ᖁᐱᒋᑦᑎᐊᖅᑲᕋ ᑯᐃ ᖃᐃᓘᕐᓂᐊᕐᓂᖓᓐᓂ ᓇᓪᓕᐅᓂᖅᓯᐅᕐᓂᖓ.